Ingingo ya 4:
Amahame ya demokarasi twifuza gushimangira mu gihugu cyacu akubiye muguharanira:
- Ubwisanzure mu gutanga ibitekerezo nta nkomyi; Umuturage akagira ijambo mubyo akorerwa. Akagira uruhare mu gutanga ibitekerezo mu buzima bwose bw’igihugu
- Ubwisanzure mu gutanga ibitekerezo muri politiki nta nkomyi; Ubwisanzure bw’itangazamakuru; Ubwisanzure mu miryango itegamiye kuri leta ( Societé Civile)
- Gutandukanya ubutegetsi Nyubahirizategeko; Ubutegetsi Nshingamategeko; Ubutabera kuburyo buri butegetsi bw’igenga
- Imiyoborere myiza ituma abaturage bagira uruhare rukomeye mu kwishyiriraho abayobozi
Ingingo ya 5:
Gushimangira amahame ya demokarasi mu gihugu cyacu bizarinda ubusugire n’imibereho bwite y’Umunyarwanda hatitawe ku nkomoko, ibitekerezo bye bya politique cyangwa ukwemera kwe. Abanyarwanda twese itegeko rikaturengera kimwe, kandi tukagira amahirwe angana mu gihugu cyacu.
Ingingo ya 6:
Amahame ya demokarasi twifuza gushimangira mu gihugu agomba kugera no mu iterambere rirambye kandi rigera kuri buri wese:
- Uburezi bufite ireme kuri bose niryo shingiro ry’iterambere rirambye kuri bose
- Ubuvuzi n’imibereho myiza bigera kuri bose nta robanura rishingiye ku mitungo y’abantu niyo nkingi y’iterambere rirambye kuri bose
- Ukwishyira ukizana k’umuhinzi uciriritse mukugena uko akoresha ubutaka bwe, ntiyakwe imisoro. Ni byo bizamugeza kw’ iterambere rirambye
- Ubwisanzure mu mirimo ijyanye n’ubucuruzi buciriritse, aho uwifuza gukora imirimo y’ubucuruzi ahabwa rugari. Amarembo y’ubucuruzi agafungurwa nta bwikanyize (monopole) bugomba kuba m’ubucuruzi. Abafite amikoro ahagije nabo bazoroherezwa mu bikorwa byabo byo gushora imiri mu byo bifuza, bityo twese duhurize hamwe imbaraga zo gukomeza kubaka igihugu cyacu.
Ingingo ya 7:
Ubukungu bw’igihugu n’ibindi byiza by’igihugu bigomba gusaranganywa abene gihugu bose m’uturere twose tw’igihugu. Niyo mpamvu tuzihatira gukwiza ibikorwa remezo m’uduce twose tw’igihugu.
U RWANDA NI URWACU TWESE